“၃-မိနစ် အင်္ဂလိပ်စကားပြော” - အပိုင်း(၃)

အမြန်ဆုံးနဲ့ အလွယ်ကူဆုံး အသုံးပြုနိုင်တဲ့ တစ်ယောက်ယောက်ကို ဝါသနာနဲ့ ပတ်သက်လို့ မေးနိုင်/ ပြောနိုင်တဲ့ ပြောဆို ဝါသနာဆိုင်ရာ မေးခွန်း နဲ့ အဖြေပုံစံတွေကို ဆက်လက်လေ့လာ ကြည့်ရအောင်ပါ။ ဒီသင်ခန်းစာဟာ အင်မတန်အသုံးဝင်ပြီးတော့ လေ့ကျင့်ဖို့အတွက် ၃-မိနစ်ပဲ အချိန်ပေးလိုက်ပါ။

ဒီသင်ခန်းစာမှာ လူတစ်ယောက်ရဲ့ ဝါသနာအကြောင်းမေးတဲ့အခါ Hobby ဆိုတဲ့ စကားလုံးမသုံးဘဲ ပြောနိုင်တဲ့ စကားပြောပုံစံတွေကို လေ့လာကြည့်ရအောင်ပါ၊ အများအားဖြင့် Do you have any hobbies? ဒါမှမဟုတ် What are your hobbies? စသည်ဖြင့် အရင်တုန်းကတော့ အင်္ဂလိပ်ဖတ်စာအုပ်တွေမှာ တွေ့ရပါလိမ့်မယ်။ ဒါပေမယ့် အင်္ဂလိပ်လူမျိုးတွေကတော့ ဝါသနာအကြောင်းမေးတဲ့အခါ Hobby ဆိုတဲ့ စကားလုံးကို မသုံးသလောက်ပါပဲ။ အဓိပ္ပာယ်တူပေမယ့် ပိုပြီးတော့ သဘာဝကျတဲ့ စကားပြောဆန်တဲ့ အသုံးအနှုန်းတစ်ခုကတော့

-       What do you do for fun? (အပျော်အတွက် ခင်ဗျားဘာလုပ်လဲ)

I like to watch movies. (ရုပ်ရှင်တွေ ကြည့်ရတာ ကြိုက်တယ်)

I like watching movies. (ရုပ်ရှင်တွေ ကြည့်ရတာ ကြိုက်တယ်)

-       What do you do in your free time? (ခင်ဗျားရဲ့အားလပ်ချိန်မှာ ဘာလုပ်လဲ)

I like to play golf. (ဂေါက်ရိုက်ရတာ ကြိုက်တယ်)

I like playing golf. (ဂေါက်ရိုက်ရတာ ကြိုက်တယ်)

ကိုယ့်ရဲ့ဝါသနာကို ဖော်ပြနိုင်တဲ့ အထက်က စကားပြောပုံစံမှာ I like to + Verb နှင့် I like + Noun ပုံစံများကို သတိပြုရပါမယ်။ I like to နောက်က verb တစ်ခုခုလိုက်ဖို့ လိုအပ်ပြီးတော့ I like နောက်က Noun လိုက်တဲ့ပုံစံနဲ့ ပြောဆိုရေးသားရပါမယ်။ ဒါ့အပြင် ပိုပြီးလေးနက်စေချင်ရင်တော့ really ကို like ရဲ့ အရှေ့မှာထားပြီးတော့ သုံးနိုင်ပါတယ်။ ကြိုက်တယ်ဆိုရုံလောက်ပဲဆိုရင်တော့ like ရဲ့ အရှေ့မှာ kind of ထည့်ပြီး သုံးနိုင်ပါတယ်။

ဥပမာ - I really like watching movies. (ရုပ်ရှင်တွေ ကြည့်ရတာကို တကယ်ကြိုက်တယ်)

          I kind of like playing tennis. (တင်းနစ်ကစားတာကို ကြိုက်တယ်ဆိုပါတော့)

ကိုယ် ဝါသနာနဲ့ပတ်သက်လို့ ထူးထူးခြားခြား သတ်သတ်မှတ်မှတ် မရှိတာ၊ ဒါမှမဟုတ် တိတိကျကျ မရှိတာမျိုးဆိုရင် ပြန်ပြောနိုင်တဲ့ နည်းလမ်းကောင်းတစ်ခုက I like hanging out with my friends and stuff like that. (သူငယ်ချင်းတွေနဲ့ စိတ်ကြိုက်အချိန်ဖြုန်းရတာကို ကြိုက်တယ်)

ဒီတစ်ပတ်မှာ လေ့လာခဲ့တဲ့ မေးခွန်းပုံစံ ၂-မျိုးကို ပြန်ပြီး အနှစ်ချုပ်လိုက်မယ် ဆိုရင်

-       What do you do for fun? (or) What do you do in your free time?

I like to + verb. 

I like + noun.

ကိုယ့်ရဲ့ ဝါသနာ၊ ဒါမှမဟုတ် ကိုယ်ကြိုက်တဲ့ အကြောင်းအရာ ကိစ္စကို အလေးအနက်ထားချင်တဲ့အခါ နဲ့ ကြိုက်ရုံကြိုက်တယ် လို့ပြောချင်တဲ့အခါ

-       I really like + noun.

-       I kind of like + noun.

-        

ထူးထူးခြားခြား သတ်သတ်မှတ်မှတ် ပြောစရာမရှိရင်တော့

-       I like hanging out with my friends and stuff like that.

-       I like hanging out with my friends.

အမေရိကန်တွေက တစ်ယောက်ယောက်ကို Where are you from? (ဘယ်ကလဲ) လို့ မေးတဲ့အခါ တစ်ခါတလေးမှာ verb တောင်မပါဘဲ အသုံးပြုတာမျိုးတွေ တွေ့ရတတ်ပါတယ်။  အဲဒီလိုမျိုး … ဘယ်လိုပြောလို့ ရလဲဆိုတာကို နောက်လမှာ ပြန်တွေ့ကြမယ် … ။

သင်ခန်းစာဗွီဒီယို ကြည့်ရန် -

https://www.youtube.com/watch?v=6c-jmWZwkcc