အင်္ဂလိပ်ဘာသာစကားအကြောင်းသိကောင်းစရာ

          ယနေ့ခေတ် အချိန်တွင် အင်္ဂလိပ်ဘာသာစကား ကို လေ့လာသင်ယူနေကြသောသူများ အတွက် အင်္ဂလိပ်ဘာသာစကားနှင့် ပတ်သက်၍ သိသင့် သိထိုက်သော ဗဟုသုတ များကို လက်ဆင့်ကမ်းမျှဝေ လိုပါသည်။ သိထားသင့်သော အင်္ဂလိပ်စာ အမျိုးအစားများ နှင့်  လေ့လာသင်ယူစဉ် ဆောင်ရန်၊ ရှောင်ရန် အချက်များကို ပြောပြလိုပါသည်။ အင်္ဂလိပ်စာ ကို အမျိုးအစား ခွဲလျှင် စာပေ(Literature) နှင့် ဘာသာစကား(Language) ဟု ၂-မျိုး ရှိပါသည်။ ဘာသာစကား(Language)ဆိုသည် နေ့စဉ် နှင့်အမျှ အသုံးပြုနေရမည်ဖြစ်ပြီး၊ စာပေ(Literature) တွင်မူ ဂုဏ်၊ အင်္လကာ၊ ရသ အစရှိသည်များ ပါဝင်သည်။ ကျောင်းသား၊ကျောင်းသူ များ သူငယ်တန်း မှ ဆယ်တန်း အထိ လေ့လာသင်ယူခဲ့ရသော အင်္ဂလိပ်စာ တွင် ဘာသာစကား(Language) က အများဆုံး ဖြစ်ပြီး၊ စာပေ(Literature) မှာ အနည်းငယ်သာ ပါဝင်သည်။ သို့ပါ၍ အင်္ဂလိပ်စာပေ(English Literature) ကို လေ့လာသင်ယူ လိုပါလျှင် အင်္ဂလိပ်ဘာသာစကား (English Language) ကို ဦးစွာ နှံ့နှံ့၊ စပ်စပ် သိထားရပါမည်။ ဘာသာစကား(Language) ကို ပိုင်ပိုင်နိုင်နိုင် မတတ်ကျွမ်းပဲ၊ အနည်းဆုံး အခြေခံအဆင့် ထမင်းစား၊ ရေသောက် အတိုင်းအတာမျှ မတတ်မြောက်လျှင် ခံစားမှု(feeling) အပ်ိုင်းများ ကို ဖွဲ့နွဲ့သရုပ်ဖော်ထားသော စာပေ (Literature) ကိုလေ့လာရန်မဖြစ်နိုင်ပါ။

          မြန်မာစကားတတ်မြောက်လိုပါလျှင် မြန်မာလိုပြောသော အသိုင်းအဝိုင်းများတွင် ကြာမြင့်စွာနေထိုင်ကာ မြန်မာလိုပြောသည်ကို နားထောင်ခြင်း၊ ပြန်ပြောခြင်းများက်ို ဦးစွာလေ့ကျင့်သင်ယူပြီးမှ ရေးခြင်း၊ ဖတ်ခြင်းများကို ဆက်လက် လေ့လာ သင်ယူရမည်။ ထို့အတူ အင်္ဂလိပ်ဘာသာသာစကား(English Language) ကို တတ်မြောက်လိုပါလျှင် အင်္ဂလိပ်လိုပြောသော ပတ်ဝန်းကျင်တွင် နေထိုင်ကာ အင်္ဂလိပ်စကားများကို နားထောင်ခြင်း၊ အင်္ဂလိပ်ရုပ်ရှင်၊ ဗွီဒီယို များကိုကြည့်ရှုခြင်းဖြင့် Listening Skill ကို ဦးစွာလေ့ကျင့်ပြီးမှ ကိုယ်တိုင် လည်းတတ်နိုင်သမျှ ကြိုးစားပြောဆိုရမည်။ ဘာသာစကား(Language) ကို လေ့လာလျှင် နားထောင်ခြင်း(Listening)၊ အတုယူပြောဆိုခြင်း များကသာ သင်ယူလေ့ကျင့် ရပါမည်။ စာအုပ်ထဲတွင် ချရေးမှတ်နေယုံ သက်သက်ဖြင့် မလုံလောက်ပါ။ ကျောင်းသား၊ကျောင်းသူ များသည် ငယ်ရွယ်စဉ် စာသင်သားဘဝတွင် အင်္ဂလိပ်လိုနားမထောင်ခဲ့ရသလို ကိုယ်တိုင်လည်း မပြောခဲ့ကြရပါ၊ စာပိုဒ်များကို အလွတ်ကျက်၊ ပြန်လည်ကူးရေးရသော နည်းစနစ်များဖြင့်သာ ကြီးပြင်းလာခဲ့ကြရသည်။ အင်္ဂလိပ်ဘာသာစကား(English Language) ကို ကျွမ်းကျွမ်း ကျင်ကျင် မတတ်မြောက်ပဲ ဆယ်တန်းအောင်မြင်ပြီး အင်္ဂလိပ်စာပေ(English Literature) နှင့် ထိတွေ့ရသောအခါ ကျူရှင် ဆက်တက်ရင်း အလွတ်ကျက်မှတ်ကာ ဘွဲ့လက်မှတ် တစ်ခုကို ပိုင်ဆိုင်ခဲ့ကြပါသည်။ မည်သူ့အတွက်မှ အကျိုးမရှိသော သင်ယူနည်း များဖြင့် အဖိုးတန် အချိန်များ ကုန်လွန်ခဲ့ရသည်။ ထိုသို့မဖြစ်စေရန် ဘာသာစကား (Language) ကို ကျွမ်းကျင် ပိုင်နိုင်ရန် ဦးစွာ လေ့လာသင့်ပါသည်။

          အင်္ဂလိပ်ဘာသာစကား (English Language) ကို အောက်ပါအတိုင်း (၃) မျိုး ခွဲခြားနိုင်သည်။

1.   Culture English

နေ့စဉ်သုံး ပြောစကားများ၊ အပြန်အလှန် စကားပြောခြင်းများ၊ စာဖတ်ခြင်း များသည် Culture English ဖြစ်သည်။

2.   Technical English

ဆေးပညာ၊ စက်မှုပညာ၊ ကွန်ပျူတာ၊ သိပ္ပံ နှင့် နည်းပညာ၊ သမိုင်း၊ ပထဝီ စသည်ဖြင့် ဘာသာရပ်ဆိုင်ရာ ပညာရပ်စာပေ များကို ဖော်ပြသော အင်္ဂလိပ်စာ ကိုဆိုလိုသည်။ အဆိုပါ ပညာရပ်ဆိုင်ရာအင်္ဂလိပ်စာ(Technical English) များ မသင်ယူမီ Culture English ကို ဦးစွာ ကျေညက်အောင် လေ့လာ ထားသင့်သည်။ Culture English ကို ကျွမ်းကျင်ပိုင်နိုင် ပါက သက်ဆိုင်ရာ ပညာရပ်ဆိုင်ရာ စာအုပ်များ ကို ကိုယ်တိုင် ဖတ်နိုင်၊ ရေးနိုင် သောကြောင့် Technical English ကို လေ့လာသင်ယူရန် လွယ်ကူပါလိမ့်မည်။ (မသိသော စကားလုံး၊ ဝေါဟာရ များကိုသာ သက်ဆိုင်ရာ ပညာရပ်ဆိုင်ရာအဘိဓာန် တွင် ရှာဖွေကြည့်နိုင်ပါသည်။)

3.   Specialized English

စီးပွားရေးလုပ်ငန်းသုံးအင်္ဂလိပ်စာ (Business English) နှင့် စာနယ်ဇင်းအင်္ဂလိပ်စာ (Journalism English) ဟူ၍ Specialized English ကို ၂ - မျိုးထပ်မံ ခွဲခြားနိုင်သည်။ အဆိုပါ Specialized Enlish များကို လေ့လာလိုပါလျှင်လည်း Culture English ကိုပိုင်နိုင် မှ လွယ်ကူပါလိမ့်မည်၊ အခြေခံ Culture English ကို မပိုင်နိုင်ပါလျှင် အဆင့်မြင့် ပညာရပ်များကို လေ့လာသင်ယူရန် မလွယ်ကူပါ။

          အင်္ဂလိပ်ဘာသာစကား(English Language) ကို လေ့လာရာတွင် အင်္ဂလိပ်စကားကို နှုတ်က ပြောထွက်နေယုံမျှဖြင့် မလုံလောက်ပါ၊ ပညာတတ် အသိုင်းအဝိုင်းမှသူများ၊ အင်္ဂလိပ်ဘာသာစကားပြောသောနိုင်ငံမှသူများ နားလည်အောင် ပြောတတ်ရမည်။ မြန်မာလိုတွေးပြီး အင်္ဂလိပ်လိုပြောလျှင် မြန်မာ အချင်းချင်းသာနားလည် နိုင်လိမ့်မည်။ ထို့ကြောင့် ၎င်းတို့၏ ပြောစကားများ၊ စာအုပ်များ မှ အတွေး၊ အယူအဆ များကို အတူယူပြီးလေ့ကျင့်ရမည်။ တိကျသောဝေါဟာရ၊ နေရာ အချိန် အလိုက် အသုံးအနှုန်း(usage) များကို တိတိကျကျ သုံးနှုန်းတတ်ရမည်။ သို့မဟုတ်လျှင် အင်္ဂလိပ်ဘာသာစကား အစစ်အမှန် ကို အသုံးပြုနိုင်မည် မဟုတ်ပါ။ ဥပမာအားဖြင့် မြန်မာစကားတွင် ' ချမ်းသည် ' နှင့် ' အေးသည် ' မှာ အဓိပ္ပာယ် ခြင်းဆင်တူ သော်လည်း အချိန်၊နေရာ အလိုက် အသုံးအနှုန်း မှာ ကွဲပြားခြားနားသည်။ ရေအေးအေး တစ်ခွက် ဟုသာ သုံး၍ ရပြီး၊ ရေချမ်းချမ်းတစ်ခွက် ဟုသုံး၍မရသည် ကို သတိပြုပါ။ အင်္ဂလိပ်ဘာသာစကား (English Language) အသုံးအနှုန်း ကို စနစ်တကျ လေ့လာသင်ယူခြင်း မပြုပါက မြန်မာအတွေး နှင့် ပြောသော မြန်းဂလိပ် သာဖြစ်ပါလိမ့်မည်။ ဥပမာ - He climbs up the tree. ဟုသုံး၍ရပြီး၊ He climbs up the bus. ဟုပြောလျှင် မြန်းဂလိပ် ဖြစ်ပါသည်၊ He gets on the bus. ဟုပြောမှသာ အင်္ဂလိပ်စာ အသုံးအနှုန်း(usage) မှန်ကန်သည်။

          ဆက်လက်၍ အင်္ဂလိပ်ဘာသာစကား(English Language) နှင့်ပတ်သက်၍ ဆောင်ရန်၊ ရှောင်ရန်များ ကိုလည်း သိထားသင့်သည်။ အင်္ဂလိပ်ဘာသာစကား ပြောဆိုသုံးနှုန်းရာတွင် Laconic, Barbarous, Bookish ဟူသော အချက် ၃- ချက် ကိုရှောင်ကြည်ရမည်။

1.    Laconic ဆိုသည်မှာ တိုတိုပြတ်ပြတ်ဖြစ်နေသော အင်္ဂလိပ် စကားကို ဆိုလိုသည်။

e.g. (a) Are you a student?

           Yes.

          (b) Have you finished your lunch?

          No.

          (c) Where are you going to go?

     School. 

စသည်ဖြင့် တစ်ခွန်းတည်းသော ဖြေဆိုခြင်းဖြစ်သော Laconic English ကို ရှောင်ကြည်ရမည် ဖြစ်ပြီး၊

(a)  Yes, I'm a student.

(b) No, I haven't finished yet.

(c)  I'm going to go to school. စသည်ဖြင့် ပြည့်ပြည့်စုံစုံ ချောမော ပြေပြစ်အောင်ပြောရမည်။

2.    Barbarous ဆိုသည်မှာ အလွန်ရိုင်း (very rude) သောစကားမျိုးကို ဆိုလိုပါသည်။

e.g. Man, Who are you? Come in. Sit down စသည့်အမိန့်ပေးစကားပုံစံများကို မသုံးသင့်ပဲ Dear Uncle, let me know your name please? Please come in. Have a seat. စသည်ဖြင့် သိမ်မွေ့စွာပြောဆိုဆက်ဆံရမည်။

3.    Bookish ဆိုသည်မှာ စာအုပ်အတိုင်းပြောခြင်း (speak like a book) တနည်းအားဖြင့် သဒ္ဒါစည်းမျဉ်း (Grammar rule) ကို အမြဲတမ်း အတိအကျ လိုက်နာပြောဆိုခြင်း ဖြစ်သည်။

e.g. Dear friend, come quick. ဟုသာပြောရပြီး၊ သဒ္ဒါစည်းမျဉ်းအတိုင်း အတိအကျ Dear friend, come quickly. ဟုပြောဆိုသုံးနှုန်းခြင်း မရှိပါ၊ ထို့အတူ ဘတ်(စ်)ကားပေါ်တွင် စပယ်ယာ(bus conductor) က Hold tight ဟုသာ ပြောပါလိမ့်မည်၊ Hold the bar tightly ဟုမပြောပါ။ မြန်မာစကားတွင်လည်း ' မြန်မြန်လာ' ဟုသာပြောပြီး' လျှင်မြန်စွာလာပါ ' ဟု ပြောစကားတွင် မသုံးသည်ကို နားလည်ရမည်။

         

          အင်္ဂလိပ်ဘာသာစကား(English Language) ကို ပြောဆိုသုံးနှုန်းရာတွင် အောက်ပါ အချက် ၃- ချက်ကိုလည်းသတိထားရမည်။ ၎င်းတို့မှာ - 1. Age Level (အသက်အရွယ်), 2. Social status ( လူမှုရေးအဆင့်အတန်း), 3. Dignity ( ဂုဏ်သိက္ခာ) တို့ဖြစ်သည်။

1.    မိမိ၏ စကားပြောဖက်(spoken partner) အသက်အရွယ် (Age Level) အလိုက် စကားအသုံးအနှုန်း (usage) ကိုဆင်ခြင်ရမည်။ ဥပမာ - ကလေးငယ်တစ်ယောက် ကို ' Sit down. ' ဟုပြောနိုင်သော်လည်း အသက်အရွယ်ကြီးသူ တစ်ယောက် ကို ' Please have a seat ' ဟုသာပြောရမည်။

2.    Social status ဆိုသည်မှာ spoken partner ၏လူမှုရေးအဆင့်အတန်း ကိုဆိုလိုပါသည်။ မိမိထက် အသက်အရွယ်( Age Level) ငယ်သော်လည်း လူမှုရေးအဆင့်အတန်း(Social status) ရှိသူကို လေးလေးစားစား ဆက်ဆံရမည်။ လူမှုရေးအဆင့်အတန်း(Social Status) ရှိသူကို အသက်အရွယ် ကြီး/ငယ် မရွေး လေးစားစွာ ပြောဆိုဆက်ဆံရမည်။

3.    Spoken partner သည် ဆင်းရဲသည်ဖြစ်စေ၊ ချမ်းသာသည်ဖြစ်စေ၊ ပညာတတ်သည်ဖြစ်စေ၊ ပညာမတတ်သည်ဖြစ်စေ လူအများလေးစားသော အရည်အချင်း တစ်ခုခုဖြစ်သည့် ဂုဏ်သိက္ခာ (Dignity) ရှိသူ တစ်ယောက်ဖြစ်ပါက ယဉ်ကျေးစွာ သုံးနှုန်းပြောဆိုရမည်။

          အင်္ဂလိပ်ဘာသာစကား(English Language) ကိုလေ့လာသင်ယူနေသူများ အနေဖြင့် အထက်ဖော်ပြပါ ဗဟုသုတများကို ဂရုပြုသတိထားကာ အင်္ဂလိပ်စာ တတ်မြောက်ခြင်း လမ်းမှန် ပေါ်တွင် လျှောက်လှမ်း နိုင်ကြပါစေကြောင်း ရေးသားလိုက်ပါသည်။

( ဖော်ပြပါ အကြောင်းအရာများသည် ကျေးဇူးရှင် ဆရာကြီးဦးမြကြိုင် စာသင်စဉ် ပြောကြားသော အင်္ဂလိပ်စာဗဟုသုတများ ကို အင်္ဂလိပ်စာလေ့လာနေသူတိုင်း သိစေလိုသောစေတနာဖြင့် လက်ဆင့်ကမ်းမျှဝေလိုက်ပါသည်။ ကျေးဇူးရှင် ဆရာကြီးဦးမြကြိုင် အား ဤစာစုဖြင့် ဦးခိုက်ပူဇော်ပါသည်။ )

အောင်ကိုဦး (UMK)

Be the Best !