ဘာသာစကားကို နားနဲ့ စသင်ပါ …

အင်္ဂလိပ်ဘာသာစကား လေ့လာသူတွေကို ခဏ ခဏ ပြောဖူးပါတယ် … ဘာသာစကားရဲ့ အစဟာ နားပါ၊ ဘယ်ဘာသာစကားပဲ သင်သင် နားက စသင်ပါ … ။ နားထောင်ပါ … ပြီးတော့ လိုက်ပြောပါ … ။ စကားကို လည်လည်ပတ်ပတ် ပြောတတ်တော့မှ စာကို ဆက်ပြီးတော့ လေ့လာပါ … ။ ကိုယ့်ရဲ့ မိခင်ဘာသာစကား တတ်မြောက်လာတာကို ပြန်စဉ်းစားပါ … ပေကြီး(ဖေကြီး)၊ မေကျိ (မေကြီး) စသဖြင့် စကားလုံးလေးတွေကို မပီကလာ ပီကလာ နဲ့ စပြောခဲ့ရတာပါ … အဲဒီကမှ မံမံ … မံချားမယ် စသည်ဖြင့် တစ်ဆင့်ပြီး တစ်ဆင့်တက် လာတာပါ … ။ ဘယ်မိဘကမှ သဒ္ဒါပုံစံတွေနဲ့ သားသား ထမင်းစားမယ်၊ သားသားက ကတ္တား၊ ထမင်းက ကံပုဒ်၊ စား က ကြိယာ … “ကတ္တား + ကံပုဒ် + ကြိယာ” အဲဒီလိုတွေ သင်ခဲ့ကြလို့ပါလဲ … အင်္ဂလိပ်ဘာသာစကား ကြမှပဲ … ပြောင်းပြန်တွေ ဖြစ်ကုန်ရော … စကားက မတတ်သေးဘူး … စာကိုသင်ချင်တယ် … စကားလည်း မတတ် စာလည်း မတတ် … ရှုပ်ကုန်ရော … ။
အပြန်အလှန် စကားပြောတဲ့ Audio/ Video တွေကို နားထောင်ပါ လိုက်ပြောပါ … ခက်တာက ကြားတာနဲ့ ဘာသာပြန်ရော … ပြီးတော့ စာလုံးပေါင်းက သိချင်သေးတယ်၊ ပြီးတော့ ပြောတော့မယ်ဆိုရင် မြန်မာလိုတွေးတယ် … အဲဒါကို Subj တွေ Verb တွေ စိတ်ထဲမှာ စီတယ် … အဲဒါနဲ့တင် တိုင်ပတ်ပြီးတော့ စကးက ထွက်မလာတော့ဘူး … ခုဏက ကလေးတွေ စကားပြောတော့ … စာလုံးပေါင်းသိလို့လားဗျာ … တစ်ချို့ချို့ကလေးတွေ ဆဲသံ ကြားလဲ ဆဲလိုက်တာပဲ … အဓိပ္ပါယ်ရော တိတိကျကျ သိလို့လား … လိုက်ပြောတော့ ပြောတတ်တာပဲ … ဒီလိုပဲ ကျွန်တော်တို့ကို မိဘ ဘိုးဘွားတွေက … သြကာသ တို့ သံဗုဒေ ဂါထာ၊ ဧိသိပိတော၊ သွက္ခာတော (ပတ်ဆင့်မရလို့ပါ၊ ပေါင်းလည်း မပေါင်းတတ်လို့ပါ) စတဲ့ ဘုရားဂုဏ်တော် (၉)ပါး၊ တရားဂုဏ်တော် (၆) ပါး စတာတွေ သင်ပေးတယ် … ကျွန်တော်တို့ လိုက်ဆိုတယ် … ပြောတတ်သွားကြတာပဲ … စာလုံးပေါင်း ပေါင်းတတ်လား ဆို မပေါင်းတတ်တဲ့သူက များပါလိမ့်မယ် … ထို့အတူ အဓိပ္ပာယ် အပြည်အစုံ မသိတဲ့ သူတွေ လည်း တော်တော်များများ ရှိနိုင်ပါတယ်။ ပြောချင်တာက စပြီးတော့ ပြောတဲ့အချိန်မှာ … စာလုံးပေါင်းတွေ အဓိပ္ပါယ်တွေကို မသိချင်ပါနဲ့ဦး … ကြက်တူရွေးလိုပဲ လိုက်ဆို စေချင်တာပါ … စကားပြော စာကြောင်း တွေကို သွက်သွက်လက်လက် ပြောလာနိုင်ပြီဆိုတော့မှ … စာလုံးပေါင်း … အဓိပ္ပါယ်တွေကို ဆက်လုပ်ပါ … Conversation ဗွီဒီယိုတွေ ကြည့်တဲ့အခါ ကျွန်တော်က စာတန်းထိုးကြည့်တာကို အားမပေးပါဘူး .. ဘာကြောင့်လဲ နားက နားလည်စေချင်တာပါ … မျက်စိက ဖတ်လို့ နားလည်တာကို နားက နားလည်တယ် လို့ ထင်ယောင် ထင်မှား ဖြစ်မှာ စိုးလို့ပါ … နိုင်ငံခြားသားနဲ့ စကားပြောတဲ့ အခါ တစ်ခါတစ်လေ မသဲကွဲလို့ စာလုံးပေါင်းပြခိုင်းတာ သိပ်မသိသာပေမယ့် တော်တော်များများ ကို သာ စာလုံးသွားပေါင်းပြခိုင်းနေရင် တိုင်တွေ ပတ်ကုန်မှာပေါ့ … ။ နောက်တစ်ခုက စာတန်းထိုးကြည့်တော့ စကားလုံးကို ကြားတဲ့အတိုင်း မထွက်တော့ဘဲ … ကိုယ်ထွက်နေကျအတိုင်း ထွက်တာပါ .. အာ့မှာတင် အသံထွက်တွေ လွဲရော … ။
နောက်တစ်ခုက အင်္ဂလိပ်စကားပြောတာ ကို လုံးဝ မကြောက်ပါနဲ့ … မရှက်ပါနဲ့ … ဘာကို ကြောက်တာလဲ … ဘာကို ရှက်တာလဲ … သေချာပါတယ် … မှားမှာကို ကြောက်တာ … ရှက်တာပါ ကိုယ့်ပတ်ဝန်းကျင်မှာ အင်္ဂလိပ်လို ပြောတဲ့ သူတွေ အသံထွက်မကောင်းတာ … အသုံးအနှုန်းမှားတာရှိရင် မလှောင်ပါနဲ့ … ကိုယ်က သိရင် ပြင်ပေးလိုက်ပါ … သိတဲ့သူက ပြင်ပေးရင်လည်း လက်ခံပါ … မှားတာများ ဘာထူးဆန်းလဲဗျာ .. ကိုယ့်ဘာသာစကားမှ မဟုတ်တာ .. အသံထွက်မှားတာတွေ … အသုံးအနှုန်း မှားတာတွေ .. အများကြီး ဖြစ်မှာပဲ … ဒီနေရာမှာ စကားစပ်လို့ ပြောချင်တာက နိုင်ငံခြားသား က မြန်မာစကား ကို ကြိုးစားပြီးပြောတယ် … ပီမလား .. မပီပါဘူး … ဒါပေမယ့် ကျွန်တော်တို့က ချစ်စရာလေး ကောင်းတယ် … ဘာညာပေါ့ … မြန်မာက အင်္ဂလိပ်လိုပြောတယ် … ဘယ်လိုလုပ် ဘိုသံအစစ်ဖြစ်မလဲ … အဲဒီတော့ ငပိသံနဲ့ ပြောနေတယ် ဖြစ်ရော … အင်္ဂလိပ်ဘာသာစကား မှာ အသံထွက်ဟာ အရေးကြီးပါတယ် … ဒါပေမယ့် စပြောတဲ့အချိန်မှာ မှားဦးမှာပါပဲ … သို့သော် မှားမှန်းသိရမယ် … တစ်ကြိမ်ထက် တစ်ကြိမ် မှန်လာအောင် ကြိုးစားပြီး ပြင်ရပါမယ် …။ ဒီနေရာမှာ ထပ်ပြောချင်တာက Practice နဲ့ Repeat ကို ကွဲပြားပါစေ … Practice ဆိုတာ တစ်ကြိမ်ထက် တစ်ကြိမ် ပိုကောင်းအောာင် လုပ်တာပါ … Repeat ဆိုတာက ဒါကိုပဲ ထပ်ခါ ထပ်ခါ လုပ်တာပါ … မှားတာကို လက်ခံပါတယ် … မှားတာကို ထပ်ထပ်ခါ ထပ်ခါ မလုပ်မိဖို့ အရေးကြီးပါတယ်။ မှားနေတာကြီးကို ပြင်ဖို့ မကြိုးစားဘဲ ဒါကိုပဲ ထပ်ထပ်ခါ လုပ်လိုက်မယ်ဆိုရင် Repeat လုပ်နေမယ်ဆိုရင် မှားတာက အကျင့်ပါသွား ပါလိမ့်မယ်။
ပြောတတ်အောင် ဘယ်လိုလေ့ကျင့်မလဲ …
==================================
နံပါတ် (၁) သဒ္ဒါတွေ … ဝါကျ ပုံစံတွေ လုံးဝ ခဏ မေ့ထားလိုက်ပါ ...
နံပါတ် (၂) Conversation Audio/ Video ကို (၃) ခေါက်လောက် သဘောပေါက်အောင် နားထောင်ပါ။
(Subtitle ကို မကြည့်တာ ပိုကောင်းပါတယ်)
နံပါတ် (၃) တစ်ကြောင်းခြင်း Pause ပေးပြီးတော့ လိုက်ဆိုပါ၊ အကြိမ်ပေါင်းများစွာ အလွတ်ရတဲ့ အထိ လိုက်ဆိုပါ။
နံပါတ် (၄) ကိုယ်ပြောတာကို Recording ဖမ်းပါ
နံပါတ် (၅) မူလ အသံ နဲ့ ကိုယ်ပြောတာနဲ့ ဘယ်နေရာတွေလွဲလဲ လိုက်တိုက်ပါ။ [အရမ်း ဘိုဆန်အောင် ပြောတာမဟုတ်ပါ၊ အသံထွက် မှန်/ မမှန် စစ်ခိုင်းတာပါ၊ လိုတဲ့နေရာတွေ ကြိုးစားပြင်ပါ၊ သီချင်းတစ်ပုဒ် ဆိုတဲ့ သဘောတရားအတိုင်း Key ဝင်အောင် ဆိုတဲ့ သဘောမျိုး၊ Sound (အသံထွက်) Stress (ဖိသံ/ ဖွသံ) Intonation (အသံအတက်/ အကျ၊ အနိမ့်/ အမြင့်) တွေ ကို အတတ်နိုင်ဆုံး တူအောင် လိုက်ဆိုပါ]
နံပါတ် (၆) ဖြစ်နိုင်ရင် ပြောပြီးတဲ့အခါ ချရေးပါ … ချရေးပြီးရင် ကိုယ်ရေးထားတာနဲ့ မူရင်း Subtitle နဲ့ တိုက်ကြည့်ပါ။ [ဘယ်လို နေရာတွေမှာ အမှားများလဲ သုံးသပ်ပါ၊ နောက်ထပ် Conversation တွေ နားထောင်တဲ့အခါ မှားတတ်တဲ့ နေရာတွေကို သတိထား နားထောင်ပါ။]
နံပါတ် (၇) လေ့ကျင့်ပြီးသား စကားပြော ပုံစံတွေကို အတန်းမှာဖြစ်စေ … သူငယ်ချင်းတွေနဲ့ ဖြစ်စေ … အလျင်းသင့်တိုင်း ပြန်သုံးပါ။
အခုလိုပုံစံမျိုး နဲ့ ပုံမှန်လေ့ကျင့်မယ်ဆိုရင် နှုတ်သွက်ပြီးတော့ သေချာပေါက် ပြောလာနိုင်ပါလိမ့်မယ်။
နောက်တစ်ခု အရေးကြီးတာက ပြောဖို့ ပတ်ဝန်းကျင် လိုပါတယ်။ လေ့ကျင့်ပြီးသား စကားစုတွေကို အသုံးချ ဖို့ ပတ်ဝန်းကျင် လိုပါတယ် ပတ်ဝန်းကျင် ကို လိုက်ရှာပါ၊ မရှိရင် ဖန်တီးပါ။ သင်တန်းတက်တယ် ဆိုပါစို့ အဆင်ပြေမယ့် သူငယ်ချင်း အနည်းဆုံး (၂) ယောက် က (၅) ယောက်လောက် သဘောတူညီချက် ယူထားပါ၊ အတန်းကို ရောက်လို့ အချိန်ရတဲ့အခါ စာမသင်ခင်ပဲ ဖြစ်ဖြစ်၊ အတန်းနားတဲ့ အချိန်ပဲ ဖြစ်ဖြစ် (၁၅) မိနစ် ကို အင်္ဂလိပ်လိုပဲ ပြောမယ်၊ မြန်မာလို မပြောကြေး လို့ လုပ်ထားပါ၊ အတန်းမှာမှ မဟုတ် အပြင်တွေ ဘာတွေ ချိန်းပြီးသွားတဲ့အခါလည်း တွေ့တွေ့ချင်း (၁၅) မိနစ်ကို မြန်မာလို မပြောကြေး စသည်ဖြင့် အဲဒီလိုတွေ လုပ်ထားပါ။ ပြီးတော့ American Center မှာ Public Speaking Club (PSC) ၊ American Center Debate Club (ACDC) တို့လို အသင်းတွေ မှာ Member ဝင်ပြီးတော့ သွားပြောပါ၊ အစပိုင်းမှာ ဝင်မပြောရဲသေးရင် တစ်ပတ် နှစ်ပတ်လောက် နားထောင်ပါ၊ ပြီးရင် ကိုယ်တိုင် ဝင်ပြောနိုင်အောင် လေ့ကျင့်ပါ။ AELC မှာလည်း Conversation Club ရှိပါတယ်။ လာရောက် လေ့ကျင့်လို့ရပါတယ်။
ရေကူးတတ်ချင်ရင် ရေထဲကို ဆင်းရပါမယ် … ရေထဲဆင်းရင် နစ်ပါမယ် … စက်ဘီးစီးတတ်ချင်ရင် စက်ဘီး ပေါ်တက်ရပါမယ် .. စက်ဘီးလဲပါမယ် .. ဒူးပြဲမယ် … ဒါဟာ သဘာဝပါ … အင်္ဂလိပ်စကား ပြောတတ်ချင်ရင် အင်္ဂလိပ်လို ပြောပါ .. မှားပါလိမ့်မယ် … စိတ်မပူပါနဲ့ … တစ်ကြိမ်ထက် တစ်ကြိမ် .. တစ်ရက်ထက် တစ်ရက် ပိုကောင်းအောင် လေ့ကျင့်ပါ … ။
ဆရာဆိုတာ နည်းလမ်းပဲ ပေးလို့ရတာပါ နည်းလမ်းပြလို့ပဲ ရတာပါ တတ်မြောက်အောင် ကိုယ်တိုင် လေ့ကျင့်မှ ရပါတယ်။ မြတ်စွာဘုရားရှင် ကိုယ်တော်မြတ်ကြီးတောင်မှ ဥုံဖွ နိဗာန်ရောက်စေ လို့ လုပ်ပေးလို့ မရပါဘူး .. မြတ်စွာဘုရားရှင် ကိုယ်တော်မြတ်ကြီး ဟောပြော ညွှန်ပြခဲ့တဲ့ တရား ဘဝနာ တွေကို ကိုယ်တိုင် ကျင့်ကြံအားထုတ်မှ နိဗာန်ရောက်မှာပါ။
တကယ်တတ်ချင်ရင် … တကယ်လုပ်ကြည့်ပါ .. ကောက်ရိုးမီးလို့ ဟုန်းကနဲ့ ထတောက်ပြီး အရှိန်သေသွားလို့တော့ မရပါဘူး … အချိန်တစ်ခုတော့ ပေးရပါတယ် …
အားလုံး တတ်မြောက်ကြပါစေ …
ကျွန်တော် အောင်ကိုဦး ပါ
------------------------------------
*** AELC Facebook Page မှာလည်း အင်္ဂလိပ်ဘာသာစကား တိုးတက်ရေး လမ်းညွှန်စာစုများ၊ သင်ခန်းစာများကို ပုံမှန် လေ့လာနိုင်ပါတယ် ***
--------------------------------------------------
🏡 AELC (လှိုင်)
အမှတ်-၁၀၂(မြေညီထပ်)၊ အောင်မေတ္တာ ၁-လမ်း၊ (၁) ရပ်ကွက်၊ လှိုင်။
( ဆင်ရေတွင်း KBZ ဘဏ် ရှေ့ ရွာမကျောင်းလမ်း မှ ဝင်လို့ရပါတယ်)
☎ ၀၉ ၄၂၁ ၇၅ ၂၅ ၆၈ ၊ ၀၉ ၂၅ ၂၅ ၈၅ ၀၈၅
🏡 AELC (စမ်းချောင်း)
အမှတ်-၁၂၇ (ပထမထပ်)၊ ဗားဂရာလမ်း၊ စမ်းချောင်း။
( ရှမ်းလမ်းမှတ်တိုင် KBZ ဘဏ် အနီး)
☎ ၀၉ ၄၅၀ ၂၀ ၈၁ ၈၈ ၊ ၀၉ ၄၅၀ ၂၀ ၈၂ ၈၈
🏡 AELC (တာမွေ)
အမှတ်-၄/၈ (မြေညီထပ်)၊ မလွှကုန်းလမ်း၊ အ.မ.က (၇) တာမွေ ရှေ့
( ကျောက်မြောင်းဈေးမှတ်တိုင်၊ KBZ ဘဏ် ကျောက်မြောင်းအနီး)
☎ ၀၉ ၄၅၀ ၂၀ ၈၃ ၈၈ ၊ ၀၉ ၄၅၀ ၂၀ ၈၄ ၈၈
🏡 AELC (မန္တလေး)
အမှတ်-၃၄/ဃ၊ ၃၁ လမ်း၊ ၇၆လမ်း နှင့် ၇၇လမ်း ကြား
ချမ်းအေးသာဇံမြို့နယ်၊ မန္တလေးမြို့။
☎ ၀၉ ၄၅၀ ၂၀ ၈၅ ၈၈၊ ၀၉ ၄၅၀ ၂၀ ၈၆ ၈၈
🏡 AELC (ဘိုကလေး)
အမှတ် ၁၁၂၁၊ ကြံတိုင်းအောင် ၄-လမ်း၊ (၈) ရပ်ကွက်၊
ဘိုကလေးမြို့။ (မိတ်သစ် လက်ဘက်ရည်ဆိုင် အနီး)
☎ ၀၉ ၄၅၀ ၂၀ ၈၇ ၈၈၊ ၀၉ ၄၅၀ ၂၀ ၈၉ ၈၈